Sales Discipline

شرح الإضافة

الإضافة بتعمل إيه

Sales Discipline بتضمن إن كل ليد يتكلم في وقته، وإن مفيش ليد مفتوح يفضل من غير متابعة، وإن مكالمات اليوم ماتترحلش من غير سبب. أي تقصير ممكن يتسجل عليه خصم، والأدمن يوافق عليه قبل ما يوصل للمرتب، وكل ده بيتقاس في تقارير وداشبورد.

المميزات الأساسية

• مهلة أول مكالمة (SLA) — أول ما الليد يتسلم لسيلز بتتعمل له مكالمة مخططة ويوصله تنبيه إنه لازم يكلم الليد خلال عدد دقايق شغل (الافتراضي 30)، مع تذكير قبل نهاية الوقت. الوقت بيتحسب في ساعات وأيام الشغل بس.
• التصعيد — لو السيلز ماكلمش في الوقت، المكالمة تتقفل بسبب "انتهى وقت الـ SLA"، ويتسجل خصم في انتظار الموافقة (الافتراضي 50)، والليد يرجع للي أسنده أو للمدير المباشر أو للموظف اللي عليه الدور (Round-robin) بمهلة جديدة.
• كل ليد مفتوح عليه مكالمة دايماً — عند سحب الليد بتتقفل مكالمات صاحبه القديم ويتعمل مكالمة للجديد، وقفل أي مكالمة محتاج تحديد معاد المتابعة الجاية (أو بيتعمل تلقائي)، والليد الـ Dead مكالماته بتتقفل، وآخر مكالمة مفتوحة على ليد مفتوح مينفعش تتمسح، وفحص كل ساعة يصلح أي ليد من غير مكالمة.
• قفل مكالمات النهارده — السيلز ميقدرش يرحّل مكالمات اليوم ليوم تاني ولا يمسحها. بعد نهاية الشغل المكالمات المفتوحة بتتسجل "فائتة" (مع خصم اختياري) والمدير يوصله ملخص.
• طلبات الترحيل — السيلز يطلب ترحيل مكالماته ويربط الطلب بإذن HR متوافق عليه (من أي كيان تختاره). الطلب السليم بيتوافق عليه تلقائي، والباقي المدير المباشر يوافق. فوق العدد المسموح في الشهر بيتعمل خصم (مبلغ ثابت أو نسبة من اليومية).
• خصومات السيستم — سجل واحد لكل الخصومات التلقائية (ومن الـ Workflows كمان)، مربوط بالمكالمة أو التاسك أو الليد اللي اتعمل بسببه. أي خصم بيبدأ "في انتظار الموافقة" والأدمن بس اللي يوافق (واحد واحد أو جماعي).
• الربط بالمرتب — لو عندك كيان Salary (زي FM HR)، الخصومات المتوافق عليها بتتضاف لمرتب الشهر، وتقدر تعدّل الإجمالي أو تحط رقم تقريبي أو 0، والصافي بيتحسب لوحده.
• تقارير و5 Dashlets — نسبة الالتزام، متوسط وقت أول مكالمة، المكالمات حسب النتيجة، الأداء اليومي، الخصومات، عداد مباشر، المكالمات المتأخرة، الليدز من غير مكالمة، وتصدير Excel. الأدمن يشوف الكل، المدير فريقه، والسيلز نفسه.
• عربي وإنجليزي.

طريقة الاستخدام

• 1. بعد التسطيب افتح Administration ← Sales Discipline Settings: ساعات وأيام الشغل، دقايق الـ SLA، مبالغ الخصم، حالات الليد المقفولة (الافتراضي Dead)، المتابعة الإجبارية، موظفين التوزيع بالدور، عدد الترحيلات المسموح، ومصدر إذن الـ HR والمرتب (بتختارهم من قوايم).
• 2. على كل سيلز (Users ← اليوزر ← جزء "انضباط السيلز") علّم على قواعد انضباط السيلز وحدد المدير المباشر (مبيعات)، والمرتب لو حابب.
• 3. ادّي السيلز مانجر Assignment Permission في الـ Role، واديّ صلاحية تقارير انضباط السيلز للي المفروض يشوفها.
• 4. اتأكد إن الـ cron شغال كل دقيقة (فحص الـ SLA وآخر اليوم بيشتغلوا كـ Scheduled Jobs).
• 5. السيلز يشتغل عادي: يقفل المكالمة بالنتيجة والمتابعة الجاية، ويطلب الترحيل من تاب طلبات الترحيل.
• 6. الأدمن يراجع خصومات السيستم (فلتر في الانتظار ← تحديد ← موافقة) ويتابع تاب تقارير انضباط السيلز أو يضيف الـ Dashlets للهوم.

الإعدادات والصلاحيات

• كل قاعدة ممكن تتفعل أو تتقفل وتتظبط من صفحة الإعدادات.
• دوال Formula للـ Workflows: fmDeduction\create(USER_ID, AMOUNT, REASON, SOURCE, PARENT_TYPE, PARENT_ID) و fmDeduction\approvedTotal(USER_ID, 'YYYY-MM').
• أداة للأدمن في قايمة خصومات السيستم: استيراد من الـ HR Cases — بتنقل الخصومات التلقائية القديمة المتسجلة كسجلات HR للسجل الجديد.

ملاحظات

• EspoCRM 8.0 فأعلى و PHP 8.1 فأعلى. الإضافة بتفضل مقفولة لحد ما تتسطب من Administration ← Extensions.
• الربط بالمرتب محتاج كيان Salary فيه salaryOf و netSalary و penalty؛ من غيره الخصومات بتتسجل عادي ومتاحة عن طريق الـ Formula.