FM Meta Conversions API

شرح الإضافة

الإضافة بتعمل إيه؟

بتربط EspoCRM بميتا (فيسبوك وإنستجرام) عن طريق Conversions API. كل ما الليد يتحرك في الـ CRM (اتسجل، اتكلم، اتحول لعميل)، الحدث بيتبعت لميتا من السيرفر مباشرة، فالخوارزمية تتعلم مين اللي بيتحول فعلاً وتجيبلك ناس شبههم. ومعاها مزامنة يومية لشرائح الـ CRM مع Custom Audiences للـ Lookalike والاستبعاد.

المميزات الأساسية

• ربط حالة الليد بحدث ميتا: جدول بيقرا حالات الليد عندك، وتختار قدام كل حالة الحدث اللي يتبعت (Lead، Contact…) أو تسيبها فاضية.
• حدث التحويل لأكونت: أول ما الليد يتعمله Convert ويتعمل منه Account يتبعت حدث ConvertedLead، وده الحدث اللي تعمل عليه Optimize.
• أحداث الـ Opportunities: لكل مرحلة حدث، مع إمكانية إرسال المبلغ والعملة (مثلاً Closed Won ← Purchase).
• 3 Custom Audiences بتتحدّث لوحدها: العملاء (للـ Lookalike والاستبعاد)، الليدز المفتوحة (للـ Retargeting)، والليدز الميتة (للاستبعاد). الليد بيتضاف ويتشال حسب حالته.
• توحيد أرقام التليفون: كل رقم جديد بيتحفظ بصيغة دولية (01012345678 ← ‎+201012345678)، وزرار يوحّد الأرقام القديمة ويدمج المكرر.
• بيانات مشفرة: الإيميل والتليفون والاسم بيتشفروا SHA-256 قبل ما يخرجوا من السيرفر.
• سجل أحداث كامل: كل حدث ومزامنة بحالتها ورد ميتا، مع فلتر للي فشل، وإعادة محاولة أوتوماتيك 3 مرات.
• Panel جانبي في صفحة الليد والـ Opportunity بيوري آخر الأحداث اللي اتبعتت (للأدمن).

طريقة الاستخدام

• 1. من Administration ← Meta Conversions API ← Settings حط الـ Pixel / Dataset ID والـ Access Token وفعّل Enable Conversions API، واحفظ.
• 2. للتجربة: حط Test Event Code من Events Manager ← Test Events، ودوس Test Connection. لما تتأكد امسح الكود واحفظ.
• 3. في Lead Events اختار حدث لكل حالة، وسيب Send Event When Lead Is Converted to Account مفعّل.
• 4. (اختياري) في Opportunity Events اختار حدث لمرحلة الإغلاق وفعّل إرسال القيمة.
• 5. دوس Normalize Existing Phones مرة واحدة لتوحيد الأرقام القديمة (خد Backup قبلها).
• 6. في Customer Audience فعّل المزامنة، حط الـ Ad Account ID، احفظ، ودوس Create Audiences وبعدها Full Resync.
• 7. في Ads Manager اعمل Lookalike من Audience العملاء، واستبعد العملاء والليدز الميتة من الكامبينز. وبعد ما يتجمع حجم كافي اعمل Custom Conversion على ConvertedLead وخلّي الكامبينز تعمل Optimize عليه.

الإعدادات والصلاحيات

• كل الإعدادات من صفحة واحدة في الأدمن، والتوكن متخزن بشكل لا يظهر لأي يوزر.
• سجل الأحداث والـ Panel الجانبي للأدمن بس.
• المزامنة اليومية بتشتغل الساعة 3 الفجر كـ Scheduled Job ويمكن تغيير توقيتها من Administration ← Scheduled Jobs.
• مصدر التحويل (Action Source) قابل للتغيير: CRM، مكالمة، واتساب، وغيرها.

ملاحظات

• لازم الـ cron يكون شغال على السيرفر لأن الإرسال بيحصل في الخلفية.
• مزامنة الـ Audiences محتاجة System User Token بصلاحية ads_management.
• ميتا في الغالب مش بتقبل أحداث أقدم من 7 أيام، فالأحداث القديمة مش بتتبعت، والداتا القديمة بتستفيد منها عن طريق الـ Audiences.
• الـ Lookalike محتاج Audience فيها 100 شخص على الأقل، والأفضل 1000 أو أكتر.
• الليدز المستوردة (Import) مابتبعتش أحداث.